Dr. Manik Saha: duglam phiyokha Dhalai bwkhasteni haphangni rwngnok
Dr. Manik Saha: duglam phiyokha Dhalai bwkhasteni haphangni rwngnok
Kraksalo Tripura ni kaicharni hangkhorni bisingo Dhalai hangkhorni Chailengta Govt. English Medium Higher Secondary School ni kwtal duglamno phiyogwi rwkha Tripura hasteni mantri okra Dr. Manik Saha.
A salo koklam o mantri sakha Modiji rwngni bwkhak teibo hamkrai tubuna bagwi dalbidal yapri naharwi tongo. bwskangni salo teibo yapri naharjaknai abo sanani kok kwrwi hwnwi sakha. Aboni logi logi beser basar kami amchairogno hamkrai khwlainani yapribo chini haphang naharwi tongo hwnwi sakha.
Panda chengnani swkang rwngnokni barja manjak phwrwngnairogbai koklam tei beraiwi naikha mantri okra. Aboni logi a salo rwngnokni swrwngnairogbaibo koklam salaikha.
Pandao manjakha mantri okrano karwibo kwcham MLA Parimal Debbarma, MLA Sambhulal Chakma no khobwi tei kuchuk beremni samung tangnairog.
