Tangsalo Tripura haphangni bwkhaktwi swrwngmungo bahaikhe teibo bwrwirogni bwkhak hamkrai khwlaiwi man aborogno twiwi Bicycle bakmung pandao manjakha CM Dr. Manik Saha. Abohai samungo eba phwrwngmungno bahaikhe ha kotorni rwng swrwngwi tongnai bwrwirogni mwthangmungni kokno wansugwi kwbangma yapri naharjak PM Narendra Modi hwnwi social mediao sakha CM.
Tinini pandani kokbothoma wngkha Sishu Bihar Schoolni remchuku o swrwngwi tongnai bwrwirogno Bycle bakmungo pandao kwrwngkha. Abo aguli amchaio simiya hasteni joto rwngnogono yapri naharjak hwnwibo sakha CM.
Khursathai kwlaio taklai bisio 41,800 hai swrwngnairogno mungsa rang ri naharyawino bycle bakjakha.
A salni pandao manjakha rwngnokni phwrwngrogno khobwi tei kubuni samung tangnairog.
