Tripura hasteni phwrwngmungno bahaikhe bwskangni salo teibo kaham khwlaiwi man aborono twiwino koklam salaikha phwrwng bedekni kuchuk beremni tangphangrogbai. Manjakha a salo CM Dr. Manik Saha.
CM sakha, kwtal achaisong bahaikhe thinango kaham phwrwngmung manwi man aborogno twiwi kok salaimani nukjakha. Tripura haphang abono twiwi teibo kami amchaiorog sogwinano twiwibo samung tangmani koklam salaikha.
