Kraksalo kaisa lukuthum panda khwlaijakha Ampi kendrao BJPni bwkhaktwi. O kendra BJPni wngwi bataianw Swadagar Kalai. A salo tongkosong lukurog kwbangkhe kuthumani nukjakha.
Panda Tripura CM Dr. Manik Saha, Rang montri Pranajit Singha Royno karwibo kubuni madal achukphang akosongbo kwrwngkha.
Tabukbo kwbangma Mothani adongrog BJPo phainaikhu tei twrwk twrwk Motha baiwi tongo takhukrog bukhukrog hwnwi sakha CM. Dr. Saha. A salo khorok brwiranwichisni voter BJPni bana romkha hwnwi sawi mankha koktwma.
Alaida khwlaiwi a salo CM teibo sakha, tei bisi dwklak daktino swrai swrai wngnai motha, thinango ADC haphang BJPno khainai, abo jora simi naisingwi tongdi hwnwi sawi khwnarwkha.
