Chasalo kubuni salni hainohai ADC chongbarini awaimungo thangwi sogwikha Tripura CM Dr. Manik Saha Gandatwisao. Bwskangni ADC chongbarino twiwi awaithani bodolni batainai khabacharwnano twiwino o yapri.
Khursathai kwlaio Gandatwisao a salo 710 voters BJP bana romkha hwnwi koktwma.
Koklam sana thangwi CM sakha, ADC chongbario 28 tao 28 tano BJP kwplai wngnai tei ADC chwng thokai khwlaiglak lukurogni samungono chwng eba chini bodol eba chini haphang samung tangnai.
Jora simi naisingjak, ADC BJP haphang swnamkhe Triple Engine haphang wngnai tei hamkrai wngnai hwnwibo khorang tisakha CM. A SALO 8 No Ganganagar-Gandatwisa tei 24 No Raima Valleyno khobwi lukuthum panda khaikha. Manjakha bodolni samung tangnairog.
