sangrognsalo kaiisa pandani bisingtwi hainohai Tipra Motha Party baiwi BJP bana romani nukjakha kwcham Mandaio. a salo khorok sarabrwichinwi voter BJP bana romkha. borogno a salo lamsokha Minister Sushanta Chowdhuryno khobwi tei bodolni samung tangnairog.
alaida khwlaiwi panda kok narwkna thangwi Rajya Sabhani MP Rajibe Bhattacharjee swrai swraikhe sakha bwskangni ADC BJPno haphang swnasokchinai abo tei sajaknai kok kwrwi. tabuk BJP jora simisi naisingjak.
Minister Sushanta, Tiprasarogno hamkrai tubunai tei hamari rwnai wngkha BJP. Aboni bagwino tabukni o salo Tiprasarogni o smaino wngkha ADC BJP tubunai hwnwi social mediao share khaikha. Lukurogno kwbangkhe kuthumanibo nukjakha. BJPni candidate Abhijit Debbarma awaimung khwlaithani kwrwngmani nukjakha.
