Bangdeshi no siniwi dakti karidi Tripura hasteni : Khorang tisakha Ramchandraghat ni MLA Ranjit Debbarma
Tipra motha ni MLA Ranjit Debbarma phatar hasteni Bangladeshirog Tripura Hasteo habphaimani no twiwi tei Dophano bahai khe mwthangwi narwknani aborogno twiwi kok khorang krakhe tisajak
Abohai raida chakhe habnairogno teisa borogni hao kiphilwi rohornani kok sajak tongma Kendra haphang dakti yapri naharna wngthun hwnwibo khorang tisajak.
Bo teibo sakha, Phatar hani bororok Tripura Hasteo phaiwi ha segui tongphaimanirogno twiwi Delhi oh kok salainani bagwi Thangkha. Tiprasa chuktio sajak tongo A.T.T.F 1993 bisini simi 1971 bisini 25th march ni yagulo phatar hani phainairog Tripura hasteno yakarnani kok swijak tongo.
Phiyaba aborog tabukbo implement khlaijakyakho tei phainai talo permanent Assurance committee conference wngnani thangwi tongo aro chairman je swmai tangrino abono ma khlainai hinwi Bo sakha MLA Ranjit Debbarma.
Bo teibo sakha, Jephuru CAB bill pass wngwi CAA wngkha A jorao buini dophani borokrok Tongthoklaiwi Baji rok pekhak riwi mwsalaikha.
Teikhaksa bwkhak teibo sakha Delhi, Gujrat hai thai rogo khe phatar hani phainai rokno narukya jotto no rwkhlai ribaio. Phiyaba Tripura Hasteo khe keboni Phan kwrwi. Thopsa thwi kwlaiya khwlaino borok Tongkwchang khe Hasteo thai segui tongwi Tongphaibaikha. Bwskangni salo joto rwngthwng kwrwng, socialist adongrogbo bwskangni himsong khwlaidi hwnwi koktwma.
