Swkango sakhwlaijak tongmano rwksawi Tripura hasteni Queen Pineapple tei dalbidal mwnwi khwnwi akorog rohorkha haphar hasteo. Rohormungni pandao manjakha hukbar montri Ratanlal Nath no khobwi tei kubuni nangkukjak adongrog.
Chasalo agartalani AD Nagar hukbar tang bedekni simino o manwi khwnwirogno rohorjakha phatar ha kotoro. Aboni bisingtwi kaisa baniyani tang halokbo belai kaham wngmani kokbo a salo sawi khwnarwkha Minister.
Mwchang Minister sakha, phainai bisio song nwirachukuchidok hai phalnokni bagwi rohorjaknai. Alaida khaiwi a salo joto nwichicuku hai bodolbai MoU khaimani koklam.
