Swrwngnairono hanang-pinang khaima, borogno butok khaima, kwbangma bwrwirogno butok khaimano rwksawino swkangni phainani kok kwcharkha Indian National Congress ni adongrog.
Khursathaio kwlaio, Bwskangni salo Rajya Sabhao LOP Mallikarjun Kharge CPP Chairperson Smt. Sonia Gandhi tei LoP Shri Rahul Gandhi ni twidulmungni bisingtwi Ha kotorni hamkraino wansugwino o samungni barjani kok salaikha bodolni samung tangnairog.
Laiwi thangjak jorao eba sal kisa swkang swrwngnairog Delhio dharna achuklaimao je patimung patimano rwksawi o yapri hwnwi sakha bodolni samung tangnairog.
