NITI Aayog bwkhaktwi New Delhi o kaisa nangkukjak koklam panda achuklaikha Northeast hasteni montri okra tei kuchuk beremni samung tangnairogno twiwi. Abohaikhe Tripura hasteni montri okra Dr. Manik Sahabo manjakha pandao.
Abono karwibo manjakha NITI Aayogni Vice Chairman Shri Ashok Lahirino khobwi tei kubuni adongrog.
CM sakha Tripura hasteni hamkrai, thangnai phai kaham, tangjimakhor, sakham, beraikhiri, thwngmungno twiwi a salo kok narwkha hwnwi sakha.
Alaida khwlaiwi PM Modi khamuchung tongma tei joto thumsakhe chaitokmungni bisingtwino o yapri hwnwi khakamani kok tisakha.
