North East ni hamkraino twiwi krak yapri naharjak Kendra haphang, thangwi sogwijak : Information & Broadcasting Minister Dr. L. Murugan
North East hasterogno bahaikhe teibo krak khwlaiwi hamkrai bwkhak lam rwui man aborogno twiwi yapri naharmung belai bolaijak. Khursathai kwlaio 2014 bisio Kendrao Narendra Modi haphang songchamani ulo Northeast ni bwkhak hamkrai khwlainai hwnwi kok rwjak tongmani. Abono naharwino Tripura hasteo Railway, Highway, Airport akorog kwbangma samung khwlairwjawi tongo tei thinangobo teibo samung khwlaijaknai hwnwi koktwma.
Sangrongsalni sanja bwkhak Tripura hasteo thangwi sogwimani Information & Broadcasting Minister Dr. L. Murgugan. A salo bono lamsokha BJP Tripura State General Secretary Dr. Bipin Debbarma.
Aboni ulo Tripura hasteni Belonia bwkhak thangwi aroni rwngthwng bodolni samung tangnairogbai tei naimwthang bedekni samung tangnairogbai koklam kwrwngkha. Abonao karwibo Beloniani Radio Centre o habwi koklam salaikha thinango tei tamo panda akorog khwlaiwi man hwnwi koktwma.
Alaida khwlaiwi Tripura hasteni montri okra Dr. Manik Sahabai malaikha bwskangni salo tamo tamo hamkrai samung bwtang chengsawi man aborogno twiwi.
