Bisi brum brumni haikhe taklaio bisio Sikkim tei Goa hasteni songchama sal palaimani nukjakha. Abono karwibo Bharat ha kotorni juda juda hasteirogobo o salno borom rwui palaimani nukjago. Abohaikheno kwrwngkha Maharashtrani Governor Jishnu Dev Varman.
A salo kainwi hasteni hukumu mukumu tei sirisitini mwsamung akorogno phunukha. Pandao manjagwi Governor kainwi hasteni naithok nukthok tei hukumu mukumuno bolaiwi koklam sakha.
Pandao kwrwngkha Sikkim tei Goa hasteni swrwngnairogno khobwi tei kwbangma sijak nukjakrog.
