Tripura hasteo kwbangma hukbar khwlainairog tabuk bahaikhe yapri naharwi samung tangwi kubun hasteo manwi khwnwi eba paiphal khwlaithani krak wngwi man ayang bwkhak naisigwino Tripura State Organic Farming Development Agency (TSOFDA) yapri naharjak. Thinango aboni bisingtwi kaham yapri nugwi manai hwnwibo sakha khoroksa hukbar khwlainai.
Purvaudayani twiphangjwk Niti Deb bai thangwi malaikha Tripura State Organic Farming Development Agency (TSOFDA)ni adongrog. A salo Amotwi bwthai, Kusumai akorog yapharmani nukjakha. Khursathai kwlaio Ek Tripura Shrestha Tripura khwlaimani aboni bisingtwibo wngwi manmani koklam tisawi sakha social mediao.
