Srangsalo baithangni social mediao kaisa post rwmano kitingwi khaduma tei khamithikma kokno tisawi yaksi surwi kok tisakha Tripura hasteni Ramchandraghat kendrani MLA Ranjit Debbarma. Uram uram dophani tei thinangni kokno wansugwi social mediao khorang tisamanibo nukjago bono.
Khursathai kwlai dophani bagwi samung tangnai, tongkosong lukurogni tektono buchinai hwnwibo khao chonglaio baksa baksa wansuk kwrwngrog.
O mangpili tongo Ananta Debbarma tei Swapna Debbarma.
Tamo hwnwi post khaikhai MLA Ranjit Debbarma phaidi nailaianw-
ADC Haphang'o BJP power'o (Khomota) phaikhe ih khoroknwi borok Bubagra ni thani phaiwi "Nakar" (Khoma) da san kha mu ? Sabo ni chukili bai bohrok chongmari ni swkang Bubagra no khuk sitra tikhlaiwi kulkha na ? Tipra Motha no swbaina nai khuna ? Bubagra bohrokno nakar kha, kaham kok. Phiya bohrok thinango teiuaisa Bubagra no yakarwi thangya bini guarantee le sabo rw nai ? Chongmari ni swkang bohrok khoroknwi kwbangma TMP, YTF tei TWF ni Warriors rogni mungwi police case rw ma le tamo wngnai ? Omo swrai swrai wngnani nango. Tripura ni politic ni hapharo bohrokni kwbangma laibuma tongo. Chwng hus ma tongnai. Kok tongo-"Jami monphano tui ya". Muitu ma narwknai. Hambai
Bwskangni salo sabo tamo bahai wngno abo phiya jorano kok sanai hwnwi wansuklaijak tongkosong lukurog.
