Buma-buphasongno nini bwsano saktharwi naikini khwlainani nangnai tei thwngmungni phaising khisonnani bagwi : Minister Tinku Roy
Image Source: Social Media
Tripura Haste chikonsa Haiphano thwngmung phaisingtwi Kwbangma no Mung khwlaikha. Tangsalo Tripura Belonia BKI Thung Nokhlao State Level ni thwngmung paimani pandao manjagwi o kok Sakha Thwngmung Bedek ni Mantri Tinku Roy.
Bo sakha, thwngkwrwngno kha bacharinani bagwi Haste Haphang Juda juda project Choi khwlaiwi tongo tei yapribo naharjagwi tongo. Aboni logi Bo teibo Sakha, Tabukni Siklarogno Phekjaknai Manwibai chalwi toninani bagwi thewngmung belaino nangkugo. O Jorao Chwrairogno thwngmung phaisingo khisonnani bagwi buma buma-buphasong Saktharnani nangnai Hwi nwi bo Sakha Mantri Tinku Roy.
Tripura Hasteni Sajwk Gymnastic Dipa Karmakar hai teibo thwngkwrwng nongkhornai hwnwibo pandao tongkosong lukurogno khabacharwui koklam sakha Minister.
A Salni Pandao Manjakha Tripura District Council Chairman Nikhil Chandra Gope, Dakhin Tripura ni District ruler Muhammad Sajjad p, Mountaineer Aritra Roy Akosong.
