TTAADCni naharmung bwskangni salo siklarogno bahaikhe thwngmungni bisingtwi kaham tei haste sinimung rwui ayang bwkhak naisigwibo yapri semani nukjagwi tongo, jephuru TTAADC o Tipra Motha haphangno achukmani ulo. Abono rwksawi 2026 bisio Tipra Motha hainohai haphango achukmani yagolo kwtal CEM Runile Debbarmabai dadak sidak malaimani nukjakha Khumulwng Administration Buildingo Reliance Founation ni adongrogbai.
Belai khatunglaijak Football thwngmungo hamjaknairog, o koktwma manmani ulono. Koktwmao teibo sawi mankha dakti ADC amchaini sikla kami beserni thwngkwrwngrogno aboni bisingtwi naitugwi tikhwlaijaknai.
CEM Runiel Debbarma sakha, taklai bisio Reliance Foudation ni bwkhaktwi Tripura hasteni kwrwngnwi thaiono saiwi naharjakha, aborog wngkha Jampuijala Ground tei Khumulwng Ground. O thwngmung belai nangkukjak chini hasteo, tangwi hinkhe aboni bisingtwi bwskangni salo National Level thwngnani sep akorogbo manai thwngkwrwngrog.
Abono karwibo a salo borom gwnang Debbarma teibo sakha, agini Tiprasani sirisitini thwngmung akorogno chini haphang daktino yapri naharnai.
