Virat Kohli : Test Match Cricket yakarkha, 123 Test Match run 9,230
Tangsalo atomsa hainohai India Cricket Team thwngkwrwng King Kohli Virat 123 Test Match thwngwi yakarnani kok sakhwlaikha. Abono nugwi baksa baksa thwngmung hamjaknairog kha mithiklaijak. bisi chibrwi Test Match thwngwi 9,230 run swnamkha. aboni bisingo 30th Match Century tei 31st Match Half Century khaikha.
Aboni bisingo alaida khwlaiwi Australia ha kotor o 7 Match thwngwi Century khaijak tei 2 series kwplai khaimano twiwi khatunglaijak tongkosong lukurog.
Khursathai kwlaio 2014 bisini simi 2022 bisi jora India Captain wngwi samung tangmani. bini captainship ni bisingtwi 68 Match ni bisingo 40 Match kwplai wngkha.
Rohit Sharma ni ulo abohaikhe khoroksa khoroksa thwngkwrwngrog yakarmano twiwi dalbidal khwlaiwi kok achaiwi tongo hwnwi koktam.
