Babaisa bwkhaktwi patimung chengkhe tei babaisa bwkhaktwi kiphilmung rwnai-India
Bugrakhor Agartala BJP ni bwkhak kaisa kotorma rally khwlaijakha. A salo Bharat ni brindiyarog Pakistan ni samung sitra tangnairogno kiphilmung rwmano twiwino rally hwnwi koktwma.
A salo tongkosong lukurogno kuru kuthumkhe kwrwngmani nukjakha. India ni bana yago twilaiwi khatung khajakhe khorang kotorkhe himbotok khwlaikha.
Bharat ni brindiyarog manya hinmani abo mungsa kwrwi. Borog tongwino chwng tini tongkosong tongnai lukurog kaham kwrwngkhe tongwi mano tei thinango Kendra haphangni montri bokhorok Narendra Modi je naharmungno twiwi yapri naharwi tongo abo sanani kok kwrwi hwnwi sakha Tripura CM Dr. Saha.
A salni rally o tongo CM Dr. Manik Saha, Minister Ratanlal Nath, Minister Sushanta Chowdhury, MLA Dipak Majumder, Minister Tinku Roy no khobwi tei kubuni samung tangnairog.
