Bolong montri Animesh Debbarmani yak romwi Dhalai hangkhorni Raipasa amchaio swnamwi tikha : Multi utility Centre
Phasalo bolong bedek ni bwkhaktwi IGD Projectni bisingo khopjaknai Tripurani Ambassa town hall nogo kaisa panda ni luwajimung naharjakha. A salni pandano chati kwthar musungwi chengsawi rikha Bolong bedek ni montri Animesh Debbarma.
Pandao naruwai motom wngwi manjakha Dhalai hangkhor ni council chairman Susmita Das, BAC chairman Parimal Debbarma. Bolong bedek ni adong S. Prabhu, Dhalai hangkhor ni DFO Amit Debbarma no khoboi kubun adongsong. Abono puila Dhalai hangkhoro abohai pandani luwajimung naharjakha bolong bedekni bwkhaktwi. Pandano kitingwi luku bangmari nukjakha.
Phasalo Ambassa ni Raipasa amchaio bolong bedek ni bwkhaktwi swnamwi tisajak Multi utility Centre Building chengsawi rikha Hasteni bolong bedek ni montri Animesh debbarma. Khursathai kwlaio 4 Lakh rangmari swbaiwi swnamjakha o building. phainai salrogo buildingono borok Nangkhukmani kok rok chaplainai hinwibo sakha Minister. Pandao phai manjakha Dhalai zonal ni chairman Premlal Molsom, Dhalai ni bolong bedek ni officer Amit debbarma no khoboi tei kuchuk Kotor adongsong.
