Twrwk twrwk jeswk TTAADC Election sampai phairwrwk aswkno jesa bodolni batainairog changrog ri khaiwi panthoro nongkhorlaimani nukjagwi tongo. Abohaikhe Indigenous People Front of Tripura(IPFT) 17 Pekuarjala-Janmejoynagarni candidate Pradip Debbarma bodolni samungtangnairogno logi twiwi panthoro nongkhorwi kwplai wngnano twiwi khathonjak.
Koklamo mwchang Candidate Pradip, IPFT siring soropkhe tongo hinphano dophani samung bahaikhe khwlai abo joto tongkosong lukurog saimano. Laiwi thangjak bisikba swkang ADC Haphango Tipra Motha Party haphango tongwibo kwrwiswk, mungsa kaham yapri semani nukya hwnwi koksilsamung.
Teikhaksa bwkhak alaida khwlaiwi thinango 17 pekuarjala-janmejoynagarni lukurogno koimung IPFT bodolno kaisa twngsasusu lama, dophano kaham lama tei mwthangmung rwnai.
