Maharaja Bir Bikram Kishore Manikya Bahadur omor bisi thamchichar o Tripura hasteo mwtai chalangkha. Achaima sal 19th August 1908, thwima sal wngkha 17 May 1947 bisio. Tripura hasteni belai sijak nukjak hwnwibo sinimung kotorma manjak tei hayung ha kotor gwnangwi Tripura haste hamkraini yapri barokma jora langma choma.
Wansuk kwrwng uram uramno salai, tomung tei kisa jora Tripura hasteo tongkhe joto bwkhaktwi hamkrai phailangkhamu hwnwi. Haste mwthangmung, haste hamkrai joto bwkhaktwi hamkrai wngwi tongma jorano langma arimani.
Khursathai kwlaio, jora kaisa Tripura hasteo Maharajano suda sinilaiya wngmanibo nukjakha, phiya tabuk twrwk twrwk haphangni bwkhaktwibo tei lukuni bwkhaktwino sinimung tei kisa judakhebo nukjakha hwnwi koktwma.
Tipra Mothani bwkhak Agartala Battala Simlang kotoro TTAADC CEM Runiel Debbarma khum bogwi khulumkha tei khaksa bwkhak ADC Head Quarterni mangthongobo khum bogwi borom rwlaimani nukjakha.
Logio tongo Mothani samung tangnairogno khobwi tei bodolni samung tangnairog.
