Bisi kwdwkma ulo Tripura hasteni NLFT tei ATTF motha accord khaijak tongmano dakti bahaikhe tongkwchang kiphilwi tubuwi man aborogo naisigwi central govt krak yapri naharwi kwbangma brindiyarog sakbedoklaimani.
Tangsalo kaisa kokthuma thumnairogni panda khaiwi bwskangni salo choba kotor khainani khorang tisakha.Tangwi hinkhe accord samungo thepajakya eba manya wngmani bagwi.
Koktwmao sawi mankha o talni chinwi salmarini simino dharmaghat achuknani bwkhak damsnichinwini bagwi.
A salni koktwma thumnairogni pandao tongo ATTFni achukphang Kalendra Debbarma, NLFT achukphang Prasenjit Debbarma.
