Swkango sakhwlaimano rwksawi ATTF tei NLFTni ringjak bondno kitingwi dalbidal kok achaijak tongmani. Paithago Tripura hasteni kwrwng kwrwng thaio muthupmani nukjakha. Aboni bisingo Tripura hasteni Hathai kotoro kasulaima thaio thangwi sogwikha Tiprasa hamkrai montri Bikash Debbarma tei kuchuk beremni Police brindiyarog.
A salo montri kwrwngwi daktino norogni manthai sokthai akorogno manai tei mungsa wanana kwrwi hwnwibo khakuwarkhe sakha.
Tongkwchang kiphilwi tubunani bagwi je yapri naharwi tongo Tripura haphang tei kendra haphang abono twiwi mungsa wanana nangya hwnwibo sakha minister.
