Chasalo Tripura hasteni Shanti Niketan Medical Collegeni samung tangnai Manisha Das langma chomani koktwma khwnawi bini nukhungo thangwi malaikha Ex-MP Pratima Bhowmik. Patimung joto kokthum akorogbo naharkha.
Thangwi malaimani ulo MP koktwma thumnairogno sakha, o patimungni joto kokthumno daktino tikhwlaijaknai tei kerongni joto krak yapri naharjakna wngthun hwnwibo social mediao sakha.
Khursathai kwlaio, o collegeno kitingwi kwbangma kokno kwsajak tongmani tei social mediaobo khorang tisalaijak tongkosong tongnai lukurog.
