Tangsalo langma chomani DGP Anurag Dhankar. Bini langma chomano baksa baksa bisingo mungsaswk tongwi mano hwnwi kok achaijak tongmani mangpili kwbangma social media o kok khereklaimani nukjakha.
Krasalo kwbangma naimwthang bodolni samung tangnairog paithak khulumung yapharlaikha eba paithak nairwkmung.
Abono karwibo kwbangma rwngthwng kwrwngrog, hoda hamkraini samung khainairog bini thwimano twiwi kha khamani kok salaimani nukjakha.
Koktwma sawi mankha bini o thwimani uklogo mungsaswk kokmang tongwi mano hwnwi baksa hojak tongnai tongkosong lukurog jai jai khaiwi khaikalaijak.
