Kraksalo atomcha thangwi sogwikha tangkranokni Er Rajibe Majumderno memorandum yapharkha Tipra Motha Party samung tangnairog. Phiya o thangma tamoni bagwi swngmung achaijak. TTAADC amchaini Contractorrog Tripura haphangni tenderni sep tangwi manya wngna kwlai, abo bisi kwdwkma romwino kok achaijak tongmani.
A salo tongo MLA Ranjit Debbarma, MLA Pathanlal Jamatia, MDC James Debbarma, MDC Jiten Debbarma, MDC SUraj Debbarmano khobwi tei kubuni adongrog.
MLA Ranjit Debbarma sakha, patimugn wngkha sal kisa swkang ADC Contractor Licese naharnairog, ADCni samung nongkhorkhe simisi samung khainani nang tei Tripura haphangni samung nongkhormani abokhe borog aro chukya wngjak eba samung khwlaina rwjakya wngmani kokno kitingwi a salo borogni malaimung.
Abono karwibo tomung abo twiwi mungsaswk haste haphang yapri naharjakya hinkhe bwskangni salo kotor movement khainai hwnwi sakha mwchang MLA.
