Koktisalo bisi brum brumni haikhe taklai bisiobo Tripura hasteni World Blood Doner Day palaikha. Taklai bisini kokbothoma wngkha One Drop of Humanity, Give Blood & Save Lives. Tripura haphangbo kwbangma jora romwi tongkosong lukurogno hojak khwlaimanibo nukjagwi tongo thwi rwmungno twiwi.
A salo Tripura CM Dr. Manik Saha joto thwi rwnairogno khakaham yapharkha. Thwi khoroksa borokni sago bwswk nangkuk abo sachini sawi sabaiya, khoroksa borokni langma mwthangwi mano.
Thinangobo abohaikhe yapri naharwi tongkosong lukurognobo khabacharwnani kok sakha CM.
