Koktisalo Tripura hasteni BJP ADC haphang raida chayakhe sebuk twlangmano twiwi Governor Indra Sena Reddy Nallubai thangwi malaikha tei memorandum yapharkha. Abono karwi abono kebengwi yapri naharnani khorang tisakha.
Kwbangma kese khereng wngjak ADC haphang, Aboni bisingo tongo Group-C tei Group-D sebuk hoijagwi twlangma twiwi yapri naharnano twiwi khorang tisakha BJP.
Khursathai kwlai, O postno twiwi social mediao viral wngjak. Abono karwibo abono twiwi TMP Founder Maharaj Pradyot joto kahamkhe naikini eba jaijai khwlaiwi yapri naharnani kokbo tisakha.
Phiya kok wngkha Electionni kwcharo bahaikhe hoijagwi sebuk twlangwi man aborogno twiwi kok kwbangma swngmung tisajak tongkosong lukurog?
Memorandum yapharma tongo Rebati Tripura, Bimal Kanti Chakma, Bipin Debbarma, Pramod Reang tei Bhwomika Nanda Reang.
