Sangrongsalo Tripura haste Election Commision swkango sakhwlaijak tongma haikhe hainohai election naharjakha. Aboni bisingo Pekuarjala-Janmajoynagar kendrabo kaisa. O Kendra a salo phungni damsni simi dambrwi jora kwchang kwchangkhe vote naharjakha.
Khursathai kwlaio thangnai horono Hirapur amchaio naimwthangmungni bwkhaktwi krak naikolmung rwjakha a kendrao. Joto naikini khwlaikha barja naharjak samung tangnairog.
Teikhaksa bwkhak 11 Maharanipur-Teliamura 5No Voteni Nandakumar JB School naharjakha chongbari. Arobo mungsa derakoro kwrwikheno naharjakha Vote.
