Kraksalo naikol bodol BJP AMC chongbarini bagwi 45 candidateni mung sakhwlaikha 51 wardni bisingo, tei 6 candidates tini tikhwlainani kok. Khursathaio kwlaio taklai bisini o AMC chongbario Mayor Dipak Majumder bataiglak.
BJP President Abhishek sakha, o chongbarini tongkosong lukurogni eba bodolni samung tangnairogni kokno khorogo wansugwino yapri naharkha. Koklamo teibo sakha tei khorok dokni mungbo daktino tikhwlainai. Alaida khwlaiwi sana thangwi Mayor bodolni wngwi o chongbari logio tongnai.
Abono karwibo candidates process ni koklam taklaini o AMC chongbari belaikha kaham khwlaiwino wansukmung naharkha. Tangwi hinkhe o chongbario bwrwirogno kwbangkhe achukthai yapharjakha.
