Boxanagar BSF brindiyarogno butok khwlaima patimungo khorok charno tabuk jora yaphao chopjakha-Police

Boxanagar Ashabarini patimungno twiwi khaksa bwkhak o patimungno Federation of Ex-Paramilitary Forces Welfare Association dakti krak majra naharnani koklambo tisakha.

By
Image source: Social Media

Kraksalo koktwma thumanirogni panda khwlaiwi Boxanagar Ashabarini patimungo kwrwngjak amchaini khorokcharno tabuksak jora yaphao chopkha hwnwi sakhwlaikha Police.

Khursathai kwlaio o patimungno rwksawi Boxanagar ari belai sal kwdwkma romwino abohaikhe kwbangma raida chayakhe samung tangmani uram uramno nukjago. Abono rwksawi arini BSF Jawanrog jai jaikhe naikini khwlaiwi tongmani. Abohai joraono amchaini tongkosong lukurogni BSF brindiyani sakao yak tisalaimani nukjago hwnwi koktwma. 


O patimungno kitingwi Tripura hasteni CM Dr. Manik Saha baithangni social mediao kok tisamani nukjakha- 

In connection with the assault on BSF personnel at Ashabari, Boxanagar, eight accused persons have been arrested. All those involved will be brought to justice, and strict legal action will be taken against them in accordance with the law.
Violence against our security personnel will not be tolerated.


Kalamchrra PS bai khobjak Ashabarini o patimungno kitingwi tabuksak jora khorok chichuku no kebengwi thanao mamla khwlaikha hwnwibo koktwma thumanirogni pandao kok tisakha Sepahijala bwkhaste Police Super Bijoy Debbarma abono twiwi swrai swraikhe sakha. 

Teikhaksa bwkhak o patimungno Federation of Ex-Paramilitary Forces Welfare Association dakti krak majra naharnani koklambo tisakha.


More in tripura