Tripura hasteo hainohai Twipra Students Federationni bwkhaktwi agartalani cercuit houseo dalbidal sanmung tisalaimani nukjakha. Sanmungni bisingo tongo Roman Script, Backlog tei kwbangma manthai akorog dakti rwjaknani.
Srangsalo Tripura haphangni bwkhaktwi o jwngjal tongmarogno supungnani kokno rwksawi khorang tisakha TSF. A salo Tripura hasteni kwrwng kwrwng thaini swrwngnairogno kuru kuthumkhe khorang tisamani nukjakha.
Koktwma thumnairogbai swngjagwi Jhon Debbarma sakha o kainwi sanmung bisi kwdwkma romwino sanwi phailaimani TSF. Phiya tabukbo mokol kaichomya Tripura haphang. Dakti dakti abono samungo romya hinkhe thinango kotor jwngjalo kwlaiwi mano haphang.
Khursathai kwlaio TSF yakchu achukphang Jhon Tripura haphangni bwkhak yaksi sursawi koksilsakha. A salo tong TSFni kuchuk beremni samung tangnairog.
