Kraksalo Tripura hasteni CM Dr. Manik Saha tei bodolni samung tangnairogno logio twiwi kwrwng kwrwng thaio patimung patiwi tabukbo nogo thangwi manyarogbai kok salakha. Tei a salo bahaikhe bwskangni salo tongkhor kwchang kwchang khwlaiwi man, aborogno twiwibo koklam salaikha.
Abohaikhe Chakmaghat amchaini tongkosong lukurog baksa baksa rwngthwngni chakurupmungo kwlaiwi tabukbo nogo ma thangyakhu, abohai bororokbai koklam salaikha, tei daktino krak yapri naharjaknai hwnwi sakha CM.
Khowai bwkhaste BJPni tangnogobo thangwi naikha CM. Aro bodolni samung tangnairog krak mwthangmung rwnani wansukmungno twiwibo kok manjumani koktwma.
Teikhaksa bwkhak BJPni samung tangnai Raj Kmar Debbarma nokno Tipra Mothani samung tangnai tongthai nok sokchai rwmani aborogni nogobo thangwi naikha CM. A salo CM sakha Tripura haphangni bwkhak kwtal nok, tei jesaphano nangmani manwi khwnwi rwnani koklambo sakha.
