Tangsalo swkango sakhwlaijak tongmano rwksawi Election Commission result tikhwlaikha West Bengalo. Social Mediao abono twiwi kokbangma kok kherekjak tongmani, paithago kubui khai phunukha BJP. Bisi kwdwkma romwi West Bengalo Trinamool Congress haphang khajak tongmani.
O kwplaino nuklaiwi Tripura hasteni BJPni samung tangnairog bagurum barsawi mwsalaimanibo nukjakha.
BJPni o kwplai wngmano kitingwi Tripura hasteni CM Dr. Manik Saha baithangni social mediao kha kaham yapharkha WB joto lukurogno. Alaida khaiwi WBni thwiwi thangjak borom gwnangni achaima thai hwnwi sinijak Shyamaprasad Mukherjeeni koknobo khursawi sakha.
Teikhaksa bwkhak Tipra Motha Partyni Founder Maharaj Pradyot baithangni social mediao BJP kwplai wngmano twiwi kha kaham yapharkha.
