Tripura hasteni Sepahijala hangkhorni Gazaria Gram Panchayeto Legal Awareness Programme ni luajimungbai World Mental Day palaikha. A salo amchaini tongkosong lukurogno kwbangkhe kwrwngmani nukjakha.
A salni sibiro sakhm, kerong, haphangni dalbidal sep sab akorogno twiwi koklam salaikha panda luajinai ojamarog.
Pandao manjagwi Advocate Anik Choudhury sakha, sakmang kaham tongnani, hoda sicharwmung tei haphangni samung akorogno khainani eba sep sab naharnani kokmangno tisakha.
Manjakha amchaini Pradhan Shyamal Das tei yakchu pradhan Nandita Das akosong.
Abono karwibo alaida khaiwi Para-Legal Volunteers Kishore Debbarma kerongni dalbidal kaham hamyano twiwibo sawi khwnarwkha.
